medyo nadisturb ako sa isang post na nabasa ko. nagrereklamo daw si sen. aquilino pimentel jr dun sa isang linya sa pelikulang Sakal, Sakali, Saklolo.

Lola to yaya: ‘Bakit pinapalaki ninyong Bisaya ang apo ko?’
Mom to yaya: Speak to kid in Tagalog ‘para Pinoy’.

magrereact ako kahit di ko pa napapanood ang movie. blog ko toh, walang pakialamanan lolz. gusto kong isipin na mali lang ang pagkaphrase nung linya ni judy ann or baka may ibang ibig sabihin lang. hindi ako galit kasi pelikula lang naman yan pero pano na yung mga nanood nito na nagpapaniwala sa mga kalokohan sa pelikula? at ang mga bata? maiisip kaya nila na “ay so hindi pala pinoy yung mga bisaya.. tutuksuhin ko ang mga inday at dudong, hindi kami magkalahi ahaha“. sana hindi naman. bakit kasi may karugtong pang “para pinoy” yung linyang yan, pwede namang “speak to kid in tagalog” lang period. oh well, andyan na din kasi, sana lang inde na pinalaki ang isyu. kung ako lang nakapansin, matatawa lang siguro ako na nagkamali sila, malamang ishashare ko sa mga friends pero hindi naman ako magpapapresscon at manawagang ikorek sya lolz. oh ayan, senator, lalo tuloy gumulo.

understandable ang pagkakaron ng ibat-ibang kultura at madaming dialects sa bansa natin, watak-watak kasi our islands (archipelago ba) pero pinoy tayong lahat, ano ba. alangan namang kano kami? o baka aprikan? lolz. kaso na-aassume lang talaga na pinoy/filipino equals tagalog. siguro kasi nsa luzon ang capital natin at yung national language natin na “filipino” ay mostly composed of tagalog words. ayoko ng mag-explain masyado (kasi wala na ako ma-explain ahehe) basta tanggapin na lang natin na ganun talaga. hindi ma-aavoid ang pagkaroon ng pagkakaiba.. dito nga lang sa cebu, habang palayo ka ng palayo sa city, paweirdo ng paweirdo ang salita ng mga tao lolz. ang boring din naman kung pare-pareho lahat diba. pero kahit san mapadpad ang mga pinoy, makikilala at makilala natin ang isat-isa kahit sang lupalop pa tayo ng pinas nang-galing.

anlayo na ng narating ng kwento ko..at inde pa ako tapos haha nagwowonder lang ako, ano kaya ang tingin ng mga tagalog sa mga bisaya? kasi ako, honestly, galit ako dati sa mga tagalog. dati lang naman ahehe. feeling ko kasi nang-aapi sila, base sa mga napapanood sa tv. tapos nakakairita pakinggan yung mga tagalog na naliligaw d2 sa kabisayaan, tagalog ng tagalog haha eh kung kami napapadpad sa maynila hindi naman kami nagbibisaya sa inyo ah wahaha again, dati lang yun, nung bata pa ako

naalala ko nung bagong salta pa lang ako sa maynila. lagi ako napagtatawanan dahil sa kakaibang “accent” ko lolz. at andaming words na hirap itranslate to tagalog kaya minsan nahahaluan na lang ng bisaya o english. yung ibang nahihirapan magtagalog, pure english na lang. ako hindi, dyahe mag-ingles eh, kasi yun isasagot ng kausap mo tagalog lang din naman lolz. may mga words pa na iba pagkapronouce sa tagalog, tulad na lang ng mga may “dle” sa dulo. noodles ay nudels pala dapat, circle ay sirkel, etc.. so yung apple ay apel? haha yung cover daw ay kover pala (kaver kasi alam ko), seconds ay sekonds, font ay font, confirm ay konfiyrm at madami pang iba. naweirduhan ako sa simula pero nasanay na lang din katagalan hehe. nakakainis lang pag pinupuna talaga na mali ako hmp. pero sa ngayon, nakikitawa na lang ako ahehe (although, di ko pa rin nasasabi ang “nudels” , “papsikel” at lahat ng yan hanggang ngayon ). para sakin kasi ako ang tama pero kelangan makisama kasi di ko naman teritoryo dyan ahaha kung mga tagalog naman pumunta dito, sila naman pagtatawanan lolz

sa halos apat na taon kong pakikipagsalamuha sa mga tagalog, masasabi kong wala naman talaga silang pinagkaiba sa ugali naming mga bisaya. friendly, matulungin, mabait at masayahin din naman sila (charing! hehe). syempre may mga kaiinisan kang tao pero di naman mawawala yun kahit san parte ng mundo ka pa magpunta lolz. kung marunong lang din magbisaya ang mga tagalog, eh iisipin ko na nsa probinsya ko lang ako lolz kaya nga at home pa din feeling ko with the tagalogs sana ganun din feeling nila samin.. teehee .. ahh basta, mahal ko pa din kayong lahat!